flimmer
Arschlos
mi schatz
ich friss und suff mi umgäbig leer
sammle fett, wird riesig schwer
ei tropfe vo mir - e tonne wasser isch hi
entweih jede ort wo ich bi
unzüchtigi tate
vertramp alles uf mim wäg
verpescht d'luft
verbruch platz
jo mi schatz, ich bin e dämon
übel, bösartig, puri zerschtörig
jo schatz, ich bin e monschter
eins vo 6 milliarde, alli sehr flissig
mir frässe und suffe d'wält leer
sammle fett, sin riesig schwer
entweihe jeden ort
vertrampe alli wäg
verpeschte alli luft
verbruche alle platz
jawoll mi schatz
-----------------------------------------------
ich schien zu erliegen
alt zu werden, eingetaucht
in dreimal tausend jahre scherben
millionen fossil, milliarden
gestein und galaxis, eingetaucht
ins missverständnis, lieben sei platter
frass, die strassen führten nur die not
zum spott herum, die städte grauten
brandig, rauchen, vor dem leben auf,
ins missverständnis, dein gesicht
sei zufall gegen diese herkunft, ebne
messerkühlen studiums der zeitpapiere.
aber vor der nacht noch brachen
das geschwür, das siegel, spulte sich der wurm
aus eingepflanzter krümmung ab.
ich kam und rieb mich leicht an deiner haut
und blutete an manchen stellen gelb.
-----------------------------------------------
uwe kolbe, bornholm II. gedichte
berlin: aufbau-verlag, 1986
fett 'n' heavy
ich bi dichter als du, doppelt so dicht bin i
du bisch nur luft, wenn ich hart wie stei bi
du chasch mi nit verstoh, verstohsch mi?
du lauwarmi luft, schwermetall ich
du luegsch uf mi und meinsch de gsesch nur mi
derbi bin ich so fett, so heavy
de verliersch jedes mol schätzeli
versuechsch mer z'choo starrsch uf mi
ich lueg di aa, du brichsch ii
füürkomet uf dünns iis
ich bi so dicht so heavy
durch dünni luft roll ich ii
-----------------------------------------------
dr tag isch lang und churz
dr tag isch lang und churz
es git so vill zum tue
ich fang mol aa und mach no das
wenn han ich zit für rueh?
's nötigschte chunnt zerscht
verzettle mi in chliinigkeite
alles mag nit iine
und 's wichtigschte chunnt z'letscht
's wichtigschhte chunnt immer z'letscht
oder gar nit meischtens
isch das jetzt 's läbe, das jetzt läbe
ich ha kei zit zum läbe
ich ha kei zit zum läbe
ich schaff und schaff und schaff und schaff
spass verchunnt zur pflicht
us angscht vor was no z'tue isch
-----------------------------------------------
essig trinke
essig trinke
staub inhaliere
teer sprütze
ä chochsalznäsi zie
du chaschs nit kriege
au wenn de wirklich willsch
und wenn de no so versuechsch
chum, mer mache lieber bar
und trinke uf die guete alte ziite
ich he jetzt e neus projäkt
ich bau gras uf mim balkon aa.
-----------------------------------------------
live-apokalypse-mitschnitt
d'stross isch färnseh und kino
jede tag gratisshow
morge bis zobe live-ischaltig
freak value unterhaltig
arbet und freizit verschmilzt
live-apokalypse-mitschnitt
jede tag sinnentleerig
überall rueh-und-ornigszerstörig
isch normal zum ushalte?
blick umdreie, d'richtig umschalte
normal verdreiht, verdreiht normal
wahnsinn ewig banal
-----------------------------------------------
sechs werden gehängt und gericht
ist es nicht
sie wollen alles
ist bereit auch die menschen die
für den ablauf und die andern: zuschauer
(niemanden stört das)
eigentlich ist das töten eine mischform von töten:
etwas zwischen hängen und kreuzigen
(ich erinnere mich an kleine absätze für die füsse)
zwei stricke, schlingen um den hals, reissen
und müssen ersetzt werden - leute finden das lustig
ausscheren und schreien
was ich kann
und nicht hängen und nicht gehängt werden
-----------------------------------------------
tuet mer leid
inneri rueh. friide. glück. harmonie.
bedachtheit. sanftheit. zfriideheit. usglicheheit.
tuet mmer leid. tuet mer leid. tuet mer leid.
dusse isch's anderscht. tuet mer scho no leid.
wie's usse isch, isch's au in mir drin.
so bin I und will dass ich so bin.
rückzug. vergässe. sälbschtzfriideheit.
ich will nit so sii. tuet mer scho no leid.
ich will kei inneri rueh, friide, harmonie
ich will usse wie inne der gliichi mensch sii.
auge, ohre, nase, muul offe
e teil vo der wält, nit frohbotschaftsbsoffe.
-----------------------------------------------
affetanz
lächerlichi figure in rituelle tänz
umkreise sich, falle sich aa, bisse sich in d'schwänz
in liebi oder hass, spiili sit johrtuusige
im rhythmus vo widerholig, der affetanz
aff blibt aff, do chame sich no so rasiere
intellektuell, freie wille, individuell, und doch pariere
iibaut, iiprägt sin die regle und chlammere
mir spüre si oder au nit und sinn uf jede fall gfange
-----------------------------------------------
energieerhaltig
reiz und flimmer
du sugsch es uf
und massig energie goht druff
konsumiert heisst gfrässe
und verschwunde
geischt verlore, nümme gfunde
d'balance isch gschtört
d'physik stimmt nümm
heb ich dorum ächt vom boden ab?
der reiz isch business
und du e loch
's het nie nüt gäh, d'balance stimmt doch!
-----------------------------------------------
ufem hügel
ufem hügel läbt sichs still
uf bauschutt und sondermüll
grüene rase, swimming pool
läbensziil eifamiliehuus
und denn langwiil
das hesch nit erwartet
was hesch erwartet?
e läbe wiene wärbefoti
statisch, glücklich unveränderlich
prozac und luxus als läbensbrämsi
so goht das nit, so lauft das nit
stillstoh isch tod
wenn de wirklich stillstoh willsch -
bring di um
-----------------------------------------------
wurm
är het kei gwüsse, kei bewusstsii
und isch vill glücklicher derbii
was möchtsch du lieber: e mensch mit hirni
oder e wurm im dräck ohni sorge und angscht sii?
dr wurm in sinere wält isch glücklich
der letschti wurm läbt besser als du und ich
-----------------------------------------------
arschlos
du hesch kei chiini, chiifer und zähn
kei augebraue, tränesäck um dÕauge
e gesicht ohni eigenschafte, ohni blick
tausigfach repliziert in dere stadt
niene en arsch
vo obe bis unde glatt
flach, aerodynamisch, me gleitet ab
kä rucke kä buuch ohni rundige und ecke
wo chöne mini auge sich an dir feschthooke?
glatt, form-, faltelos
problem-, tat-, tadellos
arschlos, chiiferlos, us plastik
chuum zum glaube, ohni chleider gits di gar nit
-----------------------------------------------
